பெருத்த துரோகம்

அன்புடன் என்னை முத்தங்களால் ஆரத்தழுவி
நான் அருமையான துரோகி என்று அறிமுகப்படுத்திக் கொண்டான்
எப்போதும் போதையேற்றிக் கொண்டிருக்கும்
அவன் துரோகத்தின் மீது ஒரு குஷ்டரோகியின்
ஆழ்ந்த கனிவை ஆழப்பதிந்தேன்
எச்சிலை கவனமாய் துடைத்தவனின் கண்களைக் கவனித்தேன்.
நிழலைப் போல படர்ந்திருந்த துரோகத்தை
வழியும் உதிரமாகக் காட்சிபடுத்தினான்.
அவன் உண்மையின் குரூரத்தின் மீது
என் பொய்யின் அறுவெறுப்பு
பெரும் அச்சக் குரலாக மாறி
துரோகத்தை இறுக்கப் பற்றியது
உண்மையின் அன்பையும்
பொய்யின் வன்மத்தையும்
பெருத்த துரோகமாக்கி
ஒரு குடுவையில் ஏந்தி
இருவரும் பருகினோம்.